Joriy yilning 4-mart kuni Toshkent shahridagi Belarus–O‘zbekiston qo‘shma tarmoqlararo amaliy texnik kvalifikatsiyalar instituti Talabalar teatr studiyasi jamoasi Chirchiq davlat pedagogika universitetida “Giyohvandlik — umr zavoli” shiori ostida o‘tkazilgan sahna ko‘rinishlari bellashuvida munosib ishtirok etib, faxrli 2-o‘rinni egalladilar.
     Mazkur bellashuvda jamoamiz tomonidan namoyish etilgan sahna ko‘rinishi dolzarbligi, mazmunan boyligi hamda tarbiyaviy ahamiyati bilan ajralib turdi. Ishtirokchilarning sahnadagi mahorati, obrazlarni ishonarli talqin etishi tomoshabinlar va hakamlar hay’ati tomonidan yuqori baholandi.
    Tadbir yakunida tomoshabinlar hamda hakamlar hay’ati a’zolari institut rahbariyati va institut Ma’naviyat bo‘limiga yoshlarni ma’naviy-axloqiy jihatdan yetuk etib tarbiyalash borasida olib borilayotgan samarali ishlar uchun alohida minnatdorlik bildirdilar.
     Ushbu yutuq Talabalar teatr studiyasi jamoasining izchil mehnati, ijodiy salohiyati hamda institutda yoshlar bilan ishlash tizimli yo‘lga qo‘yilganining yana bir yorqin ifodasi bo‘ldi