📜 O‘zbekiston Respublikasi Prezidentining 2024-yil 17-oktabrdagi "O‘zbekiston Respublikasi Konstitutsiyasi kuni bayramiga tayyorgarlik ko‘rish va uni o‘tkazish to‘g‘risida"gi F-53-son Farmoyishi Farmoyishi 1-ilovasining 34-bandida Respublika ijro etuvchi hokimiyat organlarida, mahalliy hokimliklarda, umumiy o‘rta va o‘rta maxsus, professional va boshqa davlat tashkilotlarida “Mening Konstitutsiyam 32 yoshda” shiori ostida “Mening Konstitutsiyam va davlat tilim” mavzusida ommaviy umumrespublika diktantini tashkil etish topshirig‘i belgilangan. 🏫Mazkur topshiriq ijrosi yuzasidan joriy yilning 5-dekabr kuni Toshkent shahridagi Belarus-O‘zbekiston qo‘shma tarmoqlararo amaliy texnik kvalifikatsiyalar institutida professor-o‘qituvchilar hamda talaba yoshlar o‘rtasida, “Mening Konstitutsiyam va davlat tilim” mavzusi bo‘yicha diktant tanlovi bo‘lib o‘tdi. 🎯 Mazkur tanlov talaba yoshlarning huquqiy savodxonligini oshirish, ularning Vatanimiz Konstitutsiyasi va davlat tiliga bo‘lgan hurmatini yuksaltirishga qaratilgan muhim tadbirlardan biri bo‘ldi. Diktant jarayoni nafaqat bilimlarni sinovdan o‘tkazish, balki yoshlar orasida mas’uliyat va milliy g‘ururni mustahkamlashga xizmat qildi. Tanlov natijalariga ko‘ra, 🥇1-o‘rin 4-bosqich talabasi Mansurov Javlonbek 🥈2-o‘rin 1-bosqich talabasi Almatova  Xonzodabegim 🥉3-o‘rin 2-bosqich talabasi Maxmudov Sardorga nasib etdi.